We 1960 roku mój fater szoł do I komuniyji. To było w maju, miesioncu kej młodzi sie majom ku sobie. Wiadomo, w marcu koty, kwiytniu psy a w maju my. Do tyj komuniji szoł3 niedziela a 2 maja pogryzł go pies milicyjny. Tego psa mioł trzi domy dali milicjant na stanie w doma. Moja oma a matka łojca jak to łona zawiozła łojca do Gleiwitz do dohtora a potem poleciała na milicyjo. Jak mi oma łozprawiali jek jom jyno łoboczyli to wszystkie mundurowe się kryli. Dyć to boła Marta z Czechowic wtoro milicyji i komuny się niy boła. Do dzisioj a mo 94 roki niy popuścić kej jom coś wnerwi. I tak to wtedy mój opa boł wezwany do milicyje i mioł byç świadkiem jak łoni tego psa zastrzelyli. A dziolo się to w losku na Łabyndach. Godoł że słyszał strzał, nazod jechali bez psa jyno niy patrzoł eli go zastrzelyli. Bo musicie wiedzieć iże mój opa niy zabioł w życiu nawet królika. Oma zaś wylotała odszkodowanie do syna a mojego łojca. Łojciec, bo pies boł niy szczypiony dostoł koło, znaczy się po polskiymu rower i kupa piyniondzow za 32 zastrzyki jakie musioł brać do basa, znaczy się do brzucha. Za to jak ona łozprawiali na komunijo mieli darmo towor bo komuna łodszkodowsniym szynkła. "A jaki jo gryfny klaid się szajsła" chwolyli się oma. A łojciec boł jednym z piyrszych dzieckow we Czechowicach wtóry mioł średnie koło, znaczy się rower.
