41 obserwujących
237 notek
195k odsłon
  435   2

Krótko Notka: Władimir Cudotwórca & Cyc Pharma

O, pierona, ludkowie! Ciynżkie czasy na mie przyjszli, bo sie terozki richtik od dwóch dni z doma boja wyłazić i durś ino rozmyślom co to dalij bydzie.


A to po tymu, że zowdy jak żech sie obudziła to brałach tyn smartfon i żech sie musiała kuknońć co momy za aktualno sytuacyjo we kwestiach pryncypialnych i wirusologicznych.


Bez tygo niy mogłach we ostatnie lata nic planować, bo musiałach wiedzieć kiery momy terozki wariant, jako mutacja, kiero szpryca je jeszcze ważno, a kiero już niy i sie ludzie muszom gichnońć na ta szpryca, aby sie mogli kupić fuzekle, bigelbret, abo inkszy wihajster.


Wiedziałach tyż kaj niy jechać, bo tam straszliwo je statystyka i umrziki, a zakażone i testowane ciulajom kolejne rekordy. Zowdy na Salon24 żech sie mogła spuścić, bo wiela tam boło informacjów i wywiadów ze ekspertami, na tyn przykłod z dochtorym Cyckowskim, co wiedza mo lepszo jak jasnowidz Jackowski i Kaszpirowski hipnotyzer razem wzieni.


A tu, jeronie, od dwóch dni ino tyn Władimir rzundzi, cołko titelzajta je ino o nim i jo niy mom żodnyj wiedzy o straszliwyj pandemonii, a to mie richtik szteruje i je żech nerwowo jak pieron.


Bez to mie na filozofia wzieło i zaczłach sie zastanawiać czy może tyn Władimir niy mo mocy nadprzyrodzonych i jak dupnoł z armaty to zaciuloł tygo wirusa i tela, a jo sie wiyncyj frasować nie musza i choć żech niy zaszprycowano to może mie do sklepu wpuszczom i sie te pierońskie fuzekle kupia?


Ale to je, ludkowie, ino tako mojo filozoficzno teoria i bych jo wolała lepij sie to dowiedzieć łod eksperta, bez to mom tako srogo prośba do dochtora Cyckowskiygo, aby ón niy szoł fort z Salon24 ino sam wykludził bez co terozki majom ludziska dżistać ze strachu w galoty, bo richtik niy wiadomo co je gorsze: wirus czy Władimir?



Lubię to! Skomentuj45 Napisz notkę Zgłoś nadużycie

Więcej na ten temat

Komentarze

Inne tematy w dziale