Ja, ludkowie rojstomili, bydzie zaś czas co do szpasu napisać, bo jak ministry godajom wiela tygo szpasu już nom niy zostoło, dyć zarozki bydzie apokaliptyczno czworto wela i wiela ludziów sie sam musi gibko uwijać, aby sie jeszcze kajś gichnońć na urlaubsrajza jakim fligrym abo inszym szifem, co by sie zaś fajnie spragdać.
Terozki zaś zdechlokiym być to je richtik szpana, a bez to fandzolom ministry, aby niy zaniymóc to majom ludzie niy dupcyć fleków ino sie wdupić jako szpryca i bez to łoni mogom potyn kajś rajzować a niy kiblować na rewiyrze.
Nie kożdy ale sam ministrów sucho, bo kiery by tam wierził takiymu co mo krzywy ryjok i godo jak wyłonaczony gupielok, a tyn inszy minister taki chuderlok i mizerok, że wyglondo jakby go bandwurm łode środka łobgryzoł i z tygo himorojdów dostoł, a wszytko to naroz sie jemu na glaca ciepło i godo richtik jakeby mioł srogie ipi.
Jo żech je ślonsko frelka i wom godom, nie wszyjstko je złoto co sie śwyci, a taki śniygulok w ancugu to je zowdy ino akuratny beblok a docirny gizd a naprowdy ino klugszajserym je co wos chce wyłonaczyć.
Bez to dejcie pozór ludkowie, a suchejcie Ponbóczka, a niy takiygo jancychrysta co bydzie wam piyknie fandzolił, potyn sie sami zrobicie z siebie kripla, a tyn ciulski łobrzympół pitnie z kofrym geldu do jakiyjś hameryki.