Ja, ludkowie rostojmili. Szpasy sie skończyli i po ćmoku diobły, belzebuby, a inksze Beboki choby te komandosy pierońskie, co ze fligrów skokajom, bydom chcieli Wos wyłonaczyć. Dejcie sie pozór, bo tygo roku pieronem wiela onych loto, a som richtik srogie, czorne i ze rogami. Mogom herzklekoty zrobić, jerona kandygo, a jako apopleksyjo. Jo żech to na własne gały uwidziała kaj żech szła po pranie do waszmaszyny, co żech chcioła te pranie na sztender po ćmoku powiesić, co by żodyn niy widzioł jakie jo mom gryfne desusy, pra.
To ida do tyj waszmaszyny po ćmoku geheim, a tam legnoł sie tyn czorny dioboł i czeko by mie zrobić herzklekoty, tyn mamlos - bo uwidzicie - na puklu leżoł i sie bez to niy móg łobrócić ino sie tak kryncił, choby mioł ipi
Ja, ludkowie. To niy boł żodyn duch ino pieroński rogaty Bebok, bez to żech go pizła badywannom na te pranie, we łobronie koniycznyj, bo jak godajom „naruszył mojo kuchynno przestrzyń”.
Potyn żech zaś wziena lampa i lukłach ino komu żech dupła, ale ja, to boł richtik Bebok, srogi, kaj je srogi taki pieroński julik, pra. Ale jo Wom godom, mie sie zdowoł choby kobuch, abo inkszy hynszt.
Niy chciołach go za izbetnika, chyciłach go wichajstrym do szeluntanio i bez łokno wyciepłach fort, ale mie sie widzi, że sie tymu gizdowi cołko familijo terozki uwidzioła mie bezuch robić, bo pierońsko wiela tu loto tych komandosów…
I tela.
Grafika: @Karzo & AI
Fotka: Kulicja / protokół z miejsca zdarzenia/
Zobacz galerię zdjęć:
Komentarze
Pokaż komentarze (36)