Jak to piyrwy bywało

Kaszubi wiedzieli jak promować swą mowę więc uznano ich język - usłyszałem ostatnio. A więc czas zacząć promować naszo godka, godka Ślonsko.

Jak tu u nos piyrwy bywało łosprawioł mi fater, łojciec znaczy się. Za jego dzieciństwa naczynto buduwać u nos "hotele", znaczy się wulcynhausy. To boły domy kaj goroli trzymali do arbaitowanio. Toż jak łosprawioł fater  jego ujki ło 7 i 9 lot starsi pod taki wulcynhaus go posyłali by ryczoł " gorole, gorole,), a jak ci, no te gorole naczynli go gonić to jego ujki spuszczali z linki Zynta. To ponoć boła tak wredno suka że jyno mojego łojca i jego dziadka słuchała. No toż te gorole już znali tego psa kej niy jednymu i galoty potargoł, czasym mocni za szkopyra łapnoł zatym kej łobejrzeli z daleka ta Zynta że leci bronić małego tosz uciekali jak pieprz rośnie. Ponoć róż jedyn zgłosioł to na milicyjo i mój pradziadek Musioł wyeklerować jak to richtih biło. Wtedy to moja babka a muter łojca poszła na tą milicyjo i zrobiła tam porzondek. Ponoć do dom mojegołojca przyszła trójka z tego wulcynhausy z geszynkiym i przeproszali łojca za to iż dziecko goniom i straszom. Takie to były czasy. Na teraz styknie ale byda dali pisoł po naszymu i ekleruwoł jak to było na naszym Ślonsku za naszych starżikow.