"Żodyn pociąg terozki nie pojedzie, bez to nie trzo sie rozglondać po ziymi, ino szukać na górze."
(cytat z filmu "Angelus")
Ja, ludkowie rojstomili, ciynżkie czasy nastali dlo ludziów, co niy majom Ponbóczka w sercu i bliyźniygo swygo po chacharsku traktujom, tak mie pedzioł mój Anioł Stróż Chochlik, co sie tak richtik Hariel nazywo i je tak zwanym siódmym cherubinym. Ón mie terozki sam zapodoł, że co jo chciała sie na Salunie napisać to musi poczekać, bo ón mo tako dlo ludziów nowina, aby óne wiyencyj na Aniołów zważali, kiere im w życiu towarzyszom.Bez to jo mojo notka, co nojsompierw przyjść mioła, o czym cołkiym inkszym, musza sam do kamerlika wciepnońć i pedzieć wom, co mie Anioł kozali, bo jo pierwyj Aniołom wierza jak jakiymu gizdowi, co z telewizora fandzoli i może mie taki gizd co nojwyżyj na pukiel skoczyć.
I terozki, aby mie tak to nie mynczyło czytelników mynczyć, to jo wom to w filmie zapodom, co mie go podciepnoł Anioł, aby Wom anielskie cuda czynić i oświyecenio wzglyndym w tyn czos ciynżki, kaj przidzie zarozki Rok Saturna i szpasy sie skończyli, bo sie z tygo może wykludzić sytuacyja apokaliptyczno. Dejcie sie, ludkowie na to pozór.
Weźcie sie zaś trocha czasu aby to łobejrzeć, bo to je wiele warte zdrowotnie na umyśle i kulturowo, a jeszcze wiyncyj czasu sie weźcie, aby sie przemyśleć, co wos czeko, jak nie bydziecie słuchać na Anioła Stróża woszego.